بات چیت پر مشروط طلاق

بسم اللہ الرحمن الرحیم 
کیا فرماتے ہیں علماء دین ومفتیان کرام مذکورہ حالات سے متعلق؟
خدمت اقدس میں عرض یہ ہے کہ ایک شوہر نے اپنی بیوی کو ایک شام یوں مشروط طلاق دی کہ اگر تو میری اجازت کے بغیر اپنے والدین سے بات چیت یا اپنے گھر(میکہ) جائے گی تو تجھے ایک طلاق ہوجائے گی، مشروط طلاق سے متعلق ابھی بیوی کے والدین کو اطلاع نہیں تھی کہ اچانک بیوی کے والد صاحب ٹھیک دوسرے دن صبح کسی کام سے بیٹی کے سسرال آئے، اور اپنی بیٹی سے کچھ اس طرح مخاطب ہوگئے، جو باپ اور بیٹی کے الفاظ نیچے مذکور ہیں:
والد بیٹی سے :  یہاں کیوں آتے ہو یہ علاقہ اب نہیں آنا۔
بیٹی باپ سے:  آپ یہاں کیوں آگئے؟ کیا آپ کو نہیں معلوم یہاں کیا ہوا؟
باپ بیٹی سے :  نہیں معلوم۔
بیٹی باپ سے :  فلاں کے گھر نہیں گئے کیا ؟  باپ نے کہا : نہیں۔ تو بیٹی نے والد سے کہا : فلاں کے گھر جاکر معلوم کرو کیا ہوا؟
اب سوال یہ ہے کہ دونوں کی یہ بات چیت  بات کرنے کے زمرے میں ہے یا نہیں ؟ اور کیا اس گفتگو سے ایک طلاق واقع ہوگئی؟واضح رہے کہ شوہر کی طرف سے یہ دوسری مرتبہ طلاق کا واقعہ پیش آیا ہے ، کیونکہ شوہر نے چند سال پہلے بھی ایک طلاق دیا تھا، جس سے رجعت اختیار کرلی گئی تھی، اب جبکہ دوسری مرتبہ طلاق کا واقعہ پیش آیا کیا ایسی صورت نکاح جدید کی ضرورت ہے یا پھر رجعت کے لئے زوجین کے تعلقات کافی ہیں۔ مفتی صاحب سے مخلصانہ گزارش کررہا ہوں کہ مندرجہ بالا حالات سے متعلق مدلل ومفصل جوابات سے نوازیں تو مہربانی ہوگی۔